Як раней пісала BGmedia, жыхар Чэрыкава апублікаваў у сацсетках відэа, у якім паказаў стан новага тратуара каля Чэрыкаўскай ЦРБ. Паводле яго слоў, работы былі выкананыя ў вызначаны тэрмін, аднак іх якасць выклікала пытанні. Раённая газета «Веснік Чэрыкаўшчыны» адрэагавала на відэа. Там напiсалi, што будаўнікі фірмы, якія вялі ўкладку пліткі, усё пераробяць.
Чытайце таксама: Ремонт по-волковысски: тротуары чинили совочками для мусора
У што ператварыўся новы тратуар каля Чэрыкаўскай ЦРБ
«Вось так трэба класці плітку… Каб потым яе бясплатна перарабіць», — з іроніяй каментуе аўтар роліка.
На кадрах відаць, што пакрыццё атрымалася вельмі няроўным: плітка месцамі выступае, паміж элементамі ёсць перакосы, а сама дарожка выглядае хвалістай. Асобныя ўчасткі нібыта «паплылі» — шэрагі не супадаюць, а паверхня месцамі ўздымаецца і правальваецца. У выніку тратуар не толькі выглядае неакуратна, але і можа быць небяспечным для пешаходаў.
Аўтар відэа звяртае ўвагу, што, нягледзячы на выкананне тэрмінаў, вынік работ пакідае жадаць лепшага. Ён мяркуе, што такі тратуар, хутчэй за ўсё, давядзецца перарабляць.
Тое, што вы чытаеце і глядзіце ў сеціве, датычыцца толькі вас. Ніхто не павінен падглядваць за вашым экранам і падлічваць вашыя лайкі. Уключайце BGlobal VPN — будзьце нябачнымі для любых сістэм сачэння. Заставайцеся ў бяспецы.
Спасылка на падключэнне BGlobal VPN — тут
У каментарах у сацсетках людзі адрэагавалі крытычна і з іроніяй. Карыстальнікі жартавалі, што плітка выглядае «п’янай» — настолькі няроўна яна выкладзена. Іншыя адзначалі, што па такой дарожцы лёгка спатыкнуцца, асабліва ў цемры або падчас дажджу.
Разам з жартамі гучаць і больш сур’ёзныя заўвагі. Людзі звяртаюць увагу, што падобныя дэфекты могуць сведчыць пра парушэнні тэхналогіі кладкі або недастатковы кантроль за якасцю работ. Менавіта гэта, на думку каментатараў, і выклікае найбольшую занепакоенасць.
Посмотреть эту публикацию в Instagram
Чытайце таксама: Тротуаров нет, детям опасно! Жители Наровли устали жить в разрухе и обещаниях
Чэрыкаўская раённая газета: «хтосьці, відаць, рабіў абы-як»
Чэрыкаўская раённая газета «Веснік Чэрыкаўшчыны» таксама адрэагавала на відэа. Яна напісала, што рэканструкцыя Чэрыкаўскай ЦРБ — падзея для жыхароў раёна доўгачаканая. Аднаўленне закранула не толькі сам будынак, але і тэрыторыю.
«Усе мы бачылі, як шмат было прыцягнута на гэты аб’ект людзей, каб укласціся ў тэрмін. Аднак хтосьці падыходзіў да справы адказна і добрасумленна, ну а хтосьці, відаць, рабіў работу абы-як. Асабліва гэта стала відавочна менавіта цяпер — вясной, калі сышоў снег… Адзін з участкаў пешаходнай дарожкі на тэрыторыі бальніцы ператварыўся ў «месца для серфінгу». Менавіта так адміністратары аднаго з ютуб-каналаў назвалі яго ў роліку, які зняў і выклаў у сетку мясцовы жыхар. На відэа мужчына ідзе па «хвалістай» плітцы і адзначае: «Вось так трэба класці плітку, каб потым яе бясплатна перарабляць», — піша раённая газета.
Участак скандальнага тратуара знаходзіцца побач з корпусам, дзе размешчана рэнтгеналагічнае абсталяванне. Менавіта гэты будынак ЦРБ рамантаваўся адным з апошніх, як і тэрыторыя каля яго.
«Відавочна, што з укладкай пліткі на гэтым участку (працягласць яго не больш за 100 метраў) нешта пайшло не так, а таму яна не вытрымала экзамену на зіму. Снег сышоў, зямля асела, а разам з ёй пайшла «ў пляс» і брукаванка. Паводле наяўнай у нас інфармацыі, работы тут выконвалі субпадрадчыкі — будаўнікі прыватнай сталічнай фірмы.
Дзеля справядлівасці варта сказаць, што на самай справе прыгнятальна тут выглядала не толькі гэтая частка пешаходнай дарожкі, але і прылеглая да яе тэрыторыя — уся ў хламе, буце, рэштках кардонных каробак, поліэтылене», — тлумачыць «Веснік Чэрыкаўшчыны».
Чытайце таксама: «Всем просто наплевать»: житель Витебска показал, во что превратился тротуар на 14-й Полоцкой
Чэрыкаўскi райвыканкам: «будаўнікі фірмы, якія вялі ўкладку пліткі, усё пераробяць»
Намеснік старшыні Чэрыкаўскага райвыканкама Дзмітрый Кліменкаў пракаментаваў газеце стан тратуара:
«Што датычыцца тратуарнай дарожкі, то там, дзе яна прыйшла ў непрыдатнасць пасля зімы, будаўнікі фірмы, якія вялі ўкладку пліткі, усё пераробяць. Мы з імі ўжо звязаліся. Яны прыедуць ухіляць недапрацоўкі ў бліжэйшы чацвер. Больш за тое, цяпер ужо сышоў снег, але як толькі падсохне, мы прыступім да поўнага навядзення парадку на тэрыторыі бальніцы».
Як патлумачыў намеснік старшыні, унутраныя будаўнічыя работы ва ўсіх корпусах бальніцы завершаны. Аднак з-за ўсталяваных умоў надвор’я — снежных ападкаў і мінусовых тэмператур — будаўнікі не паспелі да канца выканаць аздабленчыя фасадныя работы рэнтгеналагічнага корпуса і работы па добраўпарадкаванні. Тэрміны былі перанесены.
«Цэнтральная раённая бальніца — гэта найважнейшы аб’ект сацыяльнай інфраструктуры горада і раёна. Усе недапрацоўкі былі б ухілены ў любым выпадку, незалежна ад таго, з’явілася б відэа ў сетцы ці не», — заявіў Дзмітрый Кліменкаў.
«Са свайго боку дадамо, што мы яшчэ абавязкова вернемся на гэты аб’ект і пакажам, хто і як тут выправіць свае памылкі і навядзе парадак», — паабяцала раённая газета.
Чытайце таксама: «Можно покалечиться»: брестчане возмущены состоянием тротуара на Березовском мосту
Будь на связи и в безопасности: подключи BGlobal VPN
Наш канал в Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро
Сообщить об опечатке
Текст, который будет отправлен нашим редакторам: