На Мядзельшчыне на экасядзібе выратавалі аслабленага лебедзя

Як лебедзь «пасяліўся» ў «Сырным дворыку»

Раніцай гаспадары аграэкасядзібы «Сырны дворык» заўважылі на сваім участку лебедзя, які ледзь трымаўся на нагах. Птушка была аслабленая, уся ў брудзе. А каля крыла бачылася крывавая пляма. Самастойна ўзляцець ён не мог.

Чытайце таксама: В Бресте у аиста извлекли из желудка более килограмма земли и камней

«Мы зразумелі, што яму патрэбна дапамога. Адпусціць у поле было б проста небяспечна — драпежнікі разарвалі б», — распавяла Таццяна Міхалёнак выданню «Нарачанская зара».

@biomilkby♬ оригинальный звук — Сырный Дворик

Сям’я дала птушцы ваду, зерне, апрацавала рану і арганізавала часовую «птушыную палату». Лебедзь правёў у іх два дні, паступова прыходзячы ў сябе.

@biomilkby♬ оригинальный звук — Сырный Дворик

Пераезд у Маладзечна і ветэрынарнае абследаванне

Каб лебедзь атрымаў належны дагляд, сям’я звязалася з Мядзельскай раённай інспекцыяй прыродных рэсурсаў. Пасля афармлення суправаджальных дакументаў птушку даставілі ў маладзечанскую гаспадарку «Сіўка-Бурка» да Анастасіі Чарняўскай — вядомай аматаркі жывёл, якая ўжо не раз выратоўвала птушак і розных звяроў.

@biomilkby Ответ пользователю @userhirswl4u3z ♬ оригинальный звук — Сырный Дворик

На ферму разам з імі прыбыў ветэрынар. У заключэнні адзначана: моцны стрэс, абязводжанне і пашкоджанне крыла.

«Але мы ўпэўненыя, што ён адновіцца. Трапіў у цудоўныя рукі», — дадалі Міхалёнкі.

Цяпер Анастасія вядзе TikTok-дзённік лебедзя, а гаспадары «Сырнага дворыка» сочаць за кожным абнаўленнем і спадзяюцца, што хутка птушка зноў узляціць.

@biomilkby♬ оригинальный звук — Сырный Дворик

Чытайце таксама: Пад Мядзелем застрэлілі хатняга сабаку. Яго гаспадар упэўнены, што «такога рабіць нельга»

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро